तू अथांग सागर मी खळाळती सरिता
नित प्रवाहित होते तुझ्या मीलनाकरिता
तू सदैव घनगंभीर मी प्रवाहित नीर
तुझ्या भेटीसाठी मी झाले अधीर
तुझ्या मीलनाचा मार्ग असे अडथळ्यांचा
दर्या-डोंगरांचा अन् आडवळणांचा
ओलांडूनी सर्व संकट मी धावते रात्रंदिस
तू दिसता समोरी धन्य वाटे रे मनांस
चाले सतत सोहळा आपुल्या मीलनाचा
एकच मम मनी ध्यास तुला भेटण्याचा
-सौ. प्रतिमा उदय मनोहर
No comments:
Post a Comment