काळोखालाही असते प्रकाशाची झालर
नको मना निराश होऊ, आशेची कास धर
संध्याछायेचा खेळ नित्य चाले जीवनात
तरीही रोज होते प्रसन्न प्रभात
रात्रीच्या अंधारात सुख शांत झोपते
दुःख असता मात्र झोप चाळवते
रविकिरणांच्या चाहुलीने सकाळ तेजाळते
सर्व प्राणीमात्रांना ती कामाला लावते
दुःखमय जीवनी आशेचा एक किरण
उजळून टाकतो मनाचा कण अन् कण
-सौ. प्रतिमा उदय मनोहर
No comments:
Post a Comment